Inauteriak Lekeitio

2016/02/09

Urtero modura, Lekeitioko eskolako eta ikastolako neska-mutiko, irakasle eta gurasoek kalejira egin dute gaur goizean Ateatik Independentzia Plazaraino. Mozorro koloretsuak jantzi eta dantzan egin dute ibilbidea txiki, gazte eta nagusiek Lekeitioko Musika Bandaren doinuekin. Indioek, eskimalek, kaldereroek, Erdi Aroko bizilagunek, erromesek, deabruek eta Massaiek zeharkatu dute aurtengoan Lekeitio. Ibilbidea baina, laburragoa izan da. Itsas denboralea zegoela eta, Tala ingurutik pasatu beharrean, San Pedropetik egin dute buelta plazaraino. Hantxe egin dute dantza, gero, guztiek batera, Papardua, San Pedropeko eta Antero abesti ezagunak kantatuz.