Andrakas jatetxearen zaldia izan da onena Ispasterko probetan
67 untza egin zituen zapatuan Lemoizko zaldiak, eta horren sari legez, txapela, manta eta 750 euro jaso zituen Ispasterko Udalaren partetik. Guztira lau ziren parte hartzaileak XXI. Kintxopeko zaldi mando proben sariketa jokatzen zen egun horretan: irabazlea bera, Bermeoko Mañu auzoko Irati Erauskinen zaldia, Gamizko Contrucciones Torrontegirena eta Azkoitiko Txibilter-ena.
Erauskinen zaldiak egin zuen marka txikiena, 52 untza egitea lortuta. Mañukoak (Bermeo) 525 euro jaso zituen. Bigarren marka onena, berriz, Gamizkoak egin zuen: 66 untza, 1/2 eta 6,8 metro. Eta gipuzkoarrak, azkenik, hirugarren marka eskuratu zuen, 55 untza, 1/2 eta 4,15 metroko ibilbidea eginda. Sariei dagokienez, 650 eta 575 euro jaso zituzten bigarren eta hirugarren sailkatuek, hurrenez hurren.
XXI. Kintxopeko Zaldi Mando Proben Sariketako irabazlea: Andrakas jatetxea. Argazkia: Ispasterko Udala
