TEP proiektua sustatuko dute Lea Artibai Ikastetxeak eta Leartikerrek
Proiektuak goi-prestakuntza duten 180 profesionalen enplegagarritasuna hobetzea du helburu. Gutxi gorabehera 120k enplegua lortuko dute bertan parte hartu ondorenBeste batzuren artean, Mexiko, India eta Turkiatik etorritako ikasleak elkarrekin biziko d...
Proiektuak goi-prestakuntza duten 180 profesionalen enplegagarritasuna hobetzea du helburu. Gutxi gorabehera 120k enplegua lortuko dute bertan parte hartu ondoren
Beste batzuren artean, Mexiko, India eta Turkiatik etorritako ikasleak elkarrekin biziko dira, bederatzi hilabetez, Markina-Xemeingo Lea Artibai Ikastetxearen egoitzan. Bizkaiko Foru Aldundiaren eta Europako Gizarte Funtsaren Bizkaia:talent programagaz lankidetzan, eta Mondragon Korporazioko, Azaro Fundazioko eta Renault Consulting-eko enpresen babesagaz, Lea Artibai Ikastetxea eta Leartiker bultzatzen ari diren Technology Entrepreneurship Program proiektuan parte hartzen ari dira.Proiektuaren helburua, bederatzi urtetan gutxienez, 180 unibertsitate-tituludunen enplegatzeko aukerak hobetzea da eta horietatik gutxi gorabehera 120k kualifikazio handiko enplegua lortzea proiektuan parte hartu ondoren. Enplegu horiek, programaren ezaugarriak kontuan izanda (oinarri teknologikoa), egonkorrak izango dira.
Talentu berrien bila
Ikasleek bi hilabeteko prestakuntza trinkoa betetzen dute material polimerikoetan nahiz elikagaien industrietan, eta, horren ondoren, enpresa eta gune teknologikoetarako bisitaldiak enpresetako praktikekin tartekatzen dituzte zazpi hilabetez.
Datozen asteetan, talentu berriak biltzen hasiko dira. «Bigarren urte honetan, hainbat herrialde eta ezagutza arloetako ikasleak erakartzea espero da, programan parte hartzen duten enpresen beharren arabera», azaldu dute.
