Abian prozesuaren azken batzarrak egingo dituzte asteburuan
Lea-Artibaiko hainbat herritan eta Mutrikun egingo dituzte batzarrak, eta parte hartzeko dei zabala egin dute. Txostena eskuratu nahi duenak www.ezkerabertzalea.info webgunean du, jaisteko moduan.
Eztabaida ariketa izan da Abian prozesua, hainbat eta hainbat lagunen iritziak eta ekarpenak jasotzeko. Helburu nagusia izan da Zutik Euskal Herria ebazpenak ekarri zuen estrategia aldaketan aurrera egitea.
Abian prozesuaren hirugarren batzarrak izango dira asteburu honetan Euskal Herri osoan egingo dituztenak, eta batzar horiek erabakitzaileak izango dira; bertan eztabaidatu eta bozkatuko direlako eztabaida prozesuan zehar jasotako emendakinak.
Batzarren zerrenda:
- Aulesti: Zapatuan, 11:00etan, udal liburutegian.
- Ondarroa: Zapatuan, 10:00etan, Kofradia Zaharrean.
- Markina-Xemein: Zapatuan, 16:00etan, Kultur Aretoan.
- Lekeitio: Zapatuan, 10:00etan, Galarrenan.
- Munitibar: Barikuan, 19:00etan, udal aretoan.
- Mutriku: Eguenean, 19:00etan, Zabiel Kultur Etxean.
