Familientzako yoga saioak egingo dituzte Mendexan, maiatzean
Udalerriko Kultur Etxean izango da yoga ikastaroa, martitzenetan. Ordu beteko saioak egingo dituzte. Zehatz esateko 17:30etan hasi eta 18:30era bitartean ariko dira yoga egiten.
Hiru-lau urtetik gorako umeek parte hartu dezakete saioetan, eta lekuaren arabera kopuru mugatua ezarri dute. Zortzi familia ingururentzat lekua egongo da, asmoa baita partaideak «eroso» egotea, eta nolabaiteko «intimitatea» izatea.
Hilabete honetan izena eman
Udaletxean eman behar da izena (946 842 106 / 673 098 597), eta hilabete amaiera arteko epea jarri dute.
Halaber, telefono zenbaki honetara deituta ere izena eman daiteke: 620 321 031. Gainera, ikastaroan parte hartzeko asmoa duten herritarrek, telefono zenbaki horretara deituta zalantzak argitu, eta informazio gehiago jasotzeko aukera dute. 
Eli Ruiz izango da irakaslea, eta azaldu duenez, ez da derrigorra saio guztietan familia osoak parte hartzea: « Guraso bakarragaz ere etor daitezke, edo aiton-amonekin, eta seme-alaba denek ere ez dute zertan etorri». Ruizek Zestoako (Gipuzkoa) Sanatana Dharma Yoga eskolan irakasle izateko ikasketak burutu zituen, eta Bartzelonako (Herrialde Katalanak) Yoguitos eskolan eta ume eta familientzako yogan trebatu zen.
Yoga irakaslearen berbetan, yogaren teknikak modu «jostagarri» batean landuko dituzte saioetan, eta familiaren sustraiak sendotzeko baliagarri direla adierazi du.
Eli Ruiz izango da irakaslea, eta azaldu duenez, ez da derrigorra saio guztietan familia osoak parte hartzea: « Guraso bakarragaz ere etor daitezke, edo aiton-amonekin, eta seme-alaba denek ere ez dute zertan etorri». Ruizek Zestoako (Gipuzkoa) Sanatana Dharma Yoga eskolan irakasle izateko ikasketak burutu zituen, eta Bartzelonako (Herrialde Katalanak) Yoguitos eskolan eta ume eta familientzako yogan trebatu zen.
Yoga irakaslearen berbetan, yogaren teknikak modu «jostagarri» batean landuko dituzte saioetan, eta familiaren sustraiak sendotzeko baliagarri direla adierazi du. 
