Bizkaiko Batel Txapelketa jokatuko dute asteburuan
Sestaon lehiatuko dute. Zapatu arratsaldean sailkapenak egingo dituzte, eta domeka goizean izango da txapelketa.
Hain zuzen ere, etzi 15:30ean hasiko dira sailkapenak, eta domekan, 11:00etatik aurrera jokatuko dute txapelketa.
Batel liga amaituta
Aurreko asteburuan amaitu zuten Bizkaiko Batel liga, Sestaon.
Umeetan, 265 puntu bilduta Bermeo nagusitu da. Isuntzak zazpigarren amaitu du liga, 188 puntugaz, eta Ondarru sailkapeneko hamabigarrena izan da, 62 puntugaz.
Nesketan, ume eta kadete mailan 266 puntugaz Kaiku A izan da onena. Bosgarren sailkatu da Ondarru B, 220 puntu lortuta. Halaber, 114 puntugaz Ondarru A-k hamahirugarren bukatu du denboraldia.
Era berean, nesken gazte eta senior kategorian ere Kaiku A izan da garailea. 239 puntugaz Ondarru bosgarren sailkatu da.
Mutiletan, Bermeoko kadeteek irabazi dute, 299 puntugaz. Ondarru C bederatzigarrena izan da denboraldian 194 puntu pilatuta. Isuntza eta Ondarru B hamabigarren eta hamahirugarren sailkatu dira hurrenez hurren. Ondarru A hogeitabatgarren geratu da, 13 puntugaz.
Bestalde, mutilen gazte kategorian Kaiku A izan da garailea, 294 puntugaz. Ondarruk hamargarren amaitu du denboldia, 174 puntugaz.
Seniorretan Zierbena A izan da onena (209 puntu), eta Isuntza bigarren sailkatu da 182 puntugaz.
