Strombers eta Patxuko Nice taldeen kontzertuak dakartzate Ondarroako Manuelistek
Ondarroako Manuelistek antolatuta, barikuan [apirilak 22], 23:00etan, laugarren Marabillatxu egingo da Beikozini aretoan.
Jaialdiak Strombers eta Patxuko Nice taldeen kontzertuak dakartza, hain zuzen ere. Antolatzaileen esanetan, jaia “ziurtatuta” dago. “Strombers III. Marabilli Festibalean parte hartzekoa zen, baina osasun arazo batzuengatik, ezin izan ziren etorri. Oraingoan, Patxuko Nice taldeagaz batera etorriko dira”.
Sarrerak aurretiaz salgai egongo dira Beikozinin eta bertako webgunean ere bai, 8 euroren truke.
Bestalde, maiatzaren 8an, 20:00etan, The Toasters taldeak kontzertua eskainiko du Beikozinan, Radixu Irratiaren 25. urteurren ospakizunen barruan. New York-eko (Ameriketako Estatu Batuak) ska taldea Europan zehar kontzertu bira egiten ari da, eta Ondarroan, hain zuzen, Euskal Herrian eskainiko duten bakarra izango da.
Antolatzaileek iragarri dutenez, sarrerak aurretiaz salgai daude Noya tabernan eta Beikozinin.
