Ispasterko Gure Esku Dagok giza katea egingo du domekan
Ekainaren 5eko galdetegia girotzeko ekitaldiak egingo dituzte hilabete honetan.
Domekan, 12:00etan batuko dira herriko plazan. Jarraian, plazatik Santiagora egingo dute giza katea. Baietz haritz biak lotu izenburupean antolatu dute giza katea. Izan ere, plazako eta Santiagoko haritz biak lotuko ditu giza kateak. “Ahalik eta jende gehien batzea nahi dugu, eta herritarrei giza katean parte hartzeko dei egiten diegu”.
Giza katean, Santiagotik plazara eskuz esku hautestontzi bat eramango dute.
Giza katea amaituta, Geuk erabaki kantaren aurkezpena egingo dute plazan. Ispasterko Gure Esku Dagoko kideek jakitera eman dutenez, beranduago abestiaren lip dup-a ere grabatzeko asmoa dute.
Gainera, ekainaren 5erako atzera kontaketa egiten duen kartel bat ere ipiniko dute plazan.
Iazko ekainaren 7an herritarrek oihalekin egindako hautestsontzia. Argazkia: Ispasterko Gure Esku Dago.
