Parketarrak egitasmoa abiaraziko dute Ondarroan, euskara jolasen bitartez sustatzeko
Ondarroako Udal Euskara Batzordeak bultzatuta, parkeetan haurrak eta gurasoak euskaraz jolasten jartzeko Parketarrak deritzon egitasmoa abiaraziko dute. Eneritz Basurko euskara zinegotziak iragarri duenez, saioak martitzenero egingo dira herriko parkeetan, eta guztira, lau saio egingo dira.
Urtxintxaren laguntzagaz, programak 3-6 urte bitarteko haurren eta hauen gurasoen, eta 6-9 urteko haurren jolas saioak dinamizatuko dira herriko parkeetan. Zehatz esateko, 3-5 urte bitartekoen Zabu Zibu saioak Kamiñazpiko parkean egingo dira (guraso edo heldu bat eurekin batera derrigor egon beharra dago) eta 6-9 urte bitartekoen Txirrintxon saioak, ostera, Zaldupeko frontoi inguruan. “Eguraldi txarra eginez gero, saioak aterpean egingo ditugu, inguru horietan bertan”.
Programako lehen saioa datorren martitzenean [maiatzak 17] egingo da, 17:30etik 18:30era bitartean, eta ekainaren 7ra arte errepikatuko dira, eta saio guztietan bina dinamizatzaile ariko dira beharrean. Saioak doakoak izango dira, eta bertan parte hartu nahi dutenek dagokien tokira agertu besterik ez dute izango.
Egitasmoari dagokionez, honakoak dira bere helburu nagusiak: familiei eta haurrei euskaraz jolasteko baliabideak eskaintzea, familiak eta haurrak euskararen euskararen inguruan biltzeko gunea sortzea eta auzo eta herrietako jolasguneetan euskararen presentzia areagotzea.
Umeak jolasten
