Haurrek kalea hartu dute
Eskola Bidea proiektuaren proba pilotua egiten ari dira aste honetan, eta antolatzaileen arabera, oso onak ari dira izaten emaitzak zein parte hartzeaEskola Bidea proiektuaren lehen proba pilotua ari dira egiten aste honetan, eta antolatzaileek diotene...
Eskola Bidea proiektuaren proba pilotua egiten ari dira aste honetan, eta antolatzaileen arabera, oso onak ari dira izaten emaitzak zein parte hartzea
Eskola Bidea proiektuaren lehen proba pilotua ari dira egiten aste honetan, eta antolatzaileek diotenez, herritarrek oso ondo erantzun dute. Eguraldi onak lagunduta, lehen egunetan hainbat umek parte hartu dutela adierazi dute: «Lehen balorazioa oso positiboa da. Ez ditugu zenbatu, baina ehunka dira eskolara oinez joan diren umeak».Proiektu pilotu horretarako hiru ibilbide prestatu dituzte: bat Lurgorritik abiatzen da, bestea institututik eta hirugarrena Malostetik. Eskolaren arabera, ordutegi ezberdina daukate ikasleek. Gero, ibilbidean zehar, geralekuak dituzte, beste ikasle batzuk batzen joateko. Ekimena aurkezteko, hainbat haur eta gurasok bete zuten Pasealekua Eskola Bidea Egunean, duela bi aste.
Aste honetan, besteren arteam, Alazne Matxado eta Tere Rementeria guraso boluntarioen laguntzagaz ari dira ikasleak ibilbidea egiten. Haien iritziz, «ekimena oso ondo dago; iraganean egiten genuen bezala, eskolara oinez joatea sustatzen du». Haurrak ere oso pozik doazela azaldu dute, eta behin ibilbidea ezagutzen dutenean, bakarrik egin ahal izango dutela ziurtatu dute. Bestalde, egun hauetan ibilbidean zehar egon daitezkeen arazoak identifikatzen ari direla azaldu dute.
Egitasmoaren helburua haurrak kaleetan modu seguru eta autonomoan ibili ahal izatea da, ohitura osasungarriak ere bultzatuz. Iraganean egiten zen bezala, euren kabuz eskolara joaten hasiko dira, Eskola Bidea proiektua sortu dutenek ezarritako ibilbideak jarraituz. Ekimen bakarra da, hiribilduko ikastetxe guztiek parte hartu dutelako, udalagaz, Udaltzaingoagaz eta Osasunsareagaz elkarlanean.
Datorren ikasturtean bigarren proba pilotua egingo dute, urriaren 3tik 21era bitartean, egitasmo horren berri ematen jarraitzeko. Ostean, haurrak bere kabuz hasiko dira eskolara bidea egiten, beharrezkoa den kasuetan begiraleen laguntzagaz.
