Mutrikuko Udalak merkataritza eta ostalaritzari zuzendutako prestakuntza programa berezia antolatu du
Mutrikuko merkataritza eta ostalaritza sektoreari zuzendutako Berritu: zure saltokia errentagarri egin dezazu ikastaroa antolatu du Mutrikuko Udal Garapen sailak.
Garapen sailetik aurreratu dutenez, ikastaroaren helburua Mutrikuko saltokien lehiakortasuna garatuz, horien profesionalizazio maila handiagotzea da.
Helburu hori lortzeko ikastaroan parte hartzen dutenek hainbat alorretan (gestio ekonomikoa, politika komertziala, erosketa kudeaketa, zerbitzuaren kalitatea…) heziketa zehatza jasoko dute. Horrez gain, ikastaroan parte hartzen duten saltokien azterketa bat egingo da, euren egoera ikusi eta hobetze aldera ekintza plan bat garatzeko. “Horiek ezartzen joateko zazpi hilabeteko tutoretza zerbitzu bat izango dute sarean”.
Ikastaroa irailaren 26tik 30era eta azaroaren 21etik 25era gazteleraz izango da Emilio Abalos aholkularitza enpresaren eskutik, eta bertan parte hartu nahi dutenek uztailaren 29a aurretik eman beharko dute izena.
