Urdaibaik sei puntura dauka Hondarribia
Asteburuko bi banderak irabazita, bere nagusitasuna berretsi du Hondarribiak. Talde bermeotarra bigarren eta hirugarren sailkatu da bi estropadetanZazpi jardunaldi lehiatu dituzte TKE ligan, eta, gaur gaurkoz, 81 puntugaz sailkapenburu da Hondarribia, ...
Asteburuko bi banderak irabazita, bere nagusitasuna berretsi du Hondarribiak. Talde bermeotarra bigarren eta hirugarren sailkatu da bi estropadetan
Zazpi jardunaldi lehiatu dituzte TKE ligan, eta, gaur gaurkoz, 81 puntugaz sailkapenburu da Hondarribia, eta sei puntu gutxiago dauzka Urdaibai bigarrenak.Asteburuko bi estropadak irabazi dituzte hondarribitarrek, eta Urdaibai bigarren eta hirugarren sailkatu da.
Herenegun Getxoko Estropaden 38. Ikurrina-J.A. Agirre Lehendakariaren XII. omenaldia nagusitasun osoz irabazi zuen Hondarribiak.
Estropadaren hasieran alde estua egon zen Hondarribiko eta Bermeoko taldeen artean; hiruzpalau segundoko aldea baino ez zuten, baina minutuek aurrera egin ahala, aldea nabarmen handitu zen.
19 minutu, 40 segundo eta 28 ehunenetan amaitu zuen lehia irabazleak, eta Urdaibai harengandik 9 segundo eta 68 ehunenera heldu zen. Kaikugaz eta Astillerogaz batera osatu zuten ohorezko txanda.
Urdaibairen atzetik Tiran geratu zen. Talde galiziarra izan zen bigarren txandako azkarrena (19:53.36). Beste talde galiziarra sailkatu zen laugarren. 19 minutu, 56 segundo eta 64 ehuneneko denbora eginda lehen txandako onena izan zen Cabo.
Beste alde batetik, VII. Bilboko Bandera lehiatu zuten zapatu arratsaldean. 19 minutu, 29 segundo eta 32 ehuneneko marka lortu zuen Hondarribiak, eta haren atzetik, 8 segundo eta 66 ehuneneko aldeagaz sailkatu zen Kaiku.
Bermeotarrek hondarribitarrek baino 13 segundo eta 18 ehunen gehiago behar izan zituzten estropada amaitzeko. Urdaibairen atzetik, Astillero sailkatu zen laugarren. Talde kantabriarra izan zen bigarren txandako azkarrena (19:42.94).
