Kale Food Market egingo dute Mutrikun, estreinako
Kimmu elkarteak antolatuta, Kale Food Market bat egingo dute bihar [abuztuak 27] 12:00etatik 00:00etara eta etzi [abuztuak 28] 12:00etatik 22:00etara Mutrikun, estreinako. Hala, mutrikuko portura hurbiltzen direnek furgonetetan edo kamioietan zerbitzatuko dituzten janari eta artisau azokarekin gozatzeko aukera izango dute bi egunez.
Antolatzaileek iragarri dutenez, gainera, janaria dastatzeko aukeraz gain musika kontzertuak entzuteko aukera ere egongo da. Bihar, 13:00etatik aurrera The roof taldearen doinuez gozatzeko aukera egongo da, eta etzi, aldiz, bi taldek hartuko dute moilako oholtza. 13:00etan Gedar taldea ariko da kantuan, eta 20:00etatik aurrera, ordea, Atlantida taldea.
