Mutrikuko Arno Trail lasterketan izena emateko epea zabalik dago
Mutrikuko Kalbaixoko Kofradiako kideek antolatuta, VII. Arno Trail Sprint Race mendi lasterketa egingo da irailaren 11n, 11:00etan, Kalbaixoko ermitatik abiatuta. Antolatzaileek iragarri dutenez, mendi lasterketan izena emateko epea zabalik dago.
7,56 kilometroko luzera eta 1.146 metroko desnibel metatua izango dituen mendi lasterketa parte hartu nahi dutenek Herrikrosa web atarian eman dezakete izena, irailaren 10a aurretik. Era berean, kirol probaren egunean bertan izena emateko aukera ere egongo dela azpimarratu dute antolatzaileek, Kalbaixoko ermitaren alboan, 09:30etik aurrera.
Probari dagokionez, gehienez, 150 korrikalarik parte hartu ahal izango dute. “Lasteketan korrikalari federatuek nahiz federatu gabekoek parte hartu beharko dute, baina denak ere 18 urtez gorakoak izan beharko dute”, azaldu dute Kalbaixoko Kofradiakoek.
Mendi lasterketari buruzko informazio gehiago nahi izanez gero, kalbaixokokofradia@gmail.com helbide elektronikora posta elektroniko bat bidali edota Kalbaixoko Kofradiaren Facebook orrialdea bisitatu daiteke.
Parte hartzaileak iaz abiapuntutik irtetzen. Argazkia: Kalbaixoko Kofradia
