Lehen mailan Athleticegaz debuta egin du Kepa Arrizabalaga ondarrutarrak
Atzo [irailak 11] egun handia izan zen Kepa Arrizabalaga atezainarentzat. Harrobiko jokalari ondarrutarrak Athleticegaz lehen mailan lehen minutuak jokatzeko aukera izan zuen, estreinako, Ernesto Valderderen agindupean. Eliteko futbolean ohikoa ez baldin bada ere, dirudienez, Athleticeko entrenatzaileak hiru atezainak txandakatzea erabaki du.
26 zenbakiagaz zelairatu zen Real Club Deportivo-ren aurkako neurketan, eta partida osorik jokatu ahal izan zuen. 0-1 irabazi zioten etxeko taldeari Riazor (Coruña, Espainia) futbol zelaian, eta horrenbestez, denboraldiko lehen garaipen ofiziala lortu zuen talde zuri-gorriak.
Athleticeko arduradunek nabarmendu dutenez, partida gogorra izan zen, alde bietatik esfortzu handikoa. “Deportivok ekimena izan du, batez ere lehen zaitan, baina aldegeletatik bueltan gure taldeak balio gehiago izan du, aldeko markagailuarekin esferikoa gehiago gordetzeko buru hotza falta zaion arren”.
Arrizabalagak nabarmendu duenez, pozik dago atzo egindako debutagaz. Ondarrutarra partidako protagonista nagusietako bat izan zen, eta bere lana azpimarratzekoa izan zen. Konfiantza handiagaz eta lasai ikusi zen atepean, eta bikain erantzun zuen; besteak beste, arrisku handiko gol aukerak ziurtasun handiagaz gelditu zituen eta zehaztasun handiko sakeak egin zituen.
Kepa Arrizabalaga atezain ondarrutarra. Argazkia: Athletic Club
