Aurrerak berdinketa lortu du Basconiaren aurka
Aurrerak atzo [urriak 12] arratsaldean 8. jardunaldia jokatu zuen Basconiaren aurka, Zaldupen. Pardita husnako berdinketagaz amaitu zen.
Egia esan, Aurrerak eta Basconiak ez zuten partida osoan asmatu. Talde biek erdipurdiko partida jokatu zuten, gol aukera gutxigaz. Partida osoko gol aukera bakarra Basconiak sortu zuen, baina ezin izan zuen Aurrerako atezaina gainditu. Partida, oro har, zelai erdian jokatu zen; jokalariak aurkarien areara gutxitan hurreratu ziren.
Aurrerak, bestalde, baja garrantzitsuak direla eta, ez ohiko jokalariekin jokatu zuen atzo. Hori bai, Joseba Plazak zelairatu zituen mutilek gogoz jokatu zuten. Atzeko aldean baloia ondo kontrolatu zuten, baina aurreko aldean ez zuten asmatu.
Puntu garrantzitsua. Aurrerako ordezkariek jakitera eman dutenez, Basconiaren aurka lortutako berdinketa bidezkoa izan zen. “Aurrerak ez zuen asmatu, eta hortaz, hiru puntuak lortzea zaila izan zen. Hala ere, lortzen diren puntuak ezin ditugu alperrik galdu, puntu guztiak ongietorriak dira”.
Hurrengo jardunaldia Santutxuren aurka jokatuko du Aurrerak. Norgehiagoka Bilboko Maiona zelaian jokatuko dute domekan [urriak 16], 11:15etik aurrera.
Aurrera eta Basconiaren arteko neurketa. Argazkia: Aurrera
