Keu Agirretxea eta Piztiak Mutrikuko Gaztetxeko oholtza gainean izango dira
Mutrikuko Gazte Asanbladak urrirako antolatu dituen ekitaldien artean, Keu Agirretxearen eta Piztiak talde ondarrutarraren kontzertua egingo da zapatuan [urriak 22], 23:00etan, Mutrikuko Gaztetxean.
Piztiak taldea osatzen duten Txomin Uribek, Josu Aranbarrik, Peio Larrañagak eta Jesus Galanek U euren zazpigarren laneko eta aurreragoko lanetako hainbat zuzeneko kantuekin alaituko dute oholtza gainea.
Keu Agirretxeak, bestalde, Mikel Arakistain, Iñaki Jaio eta Isusko Ramon Fignuh Experience bere bandako bidailagunekin ariko da Mutrikun. Bertan, gitarra akustikoa eta ahotsa izango dira nagusi, bestelako ukitu intimoekin. Horiek sustrai amerikarrak eta euskaldunak dituzten folk, pop eta jazz erritmoekin nahasturik agertuko dira.
Brigadisten experientziak. Proposamenekin amaitzeko, etzi [urriak 20], 19:00etan, berriz, Brigadista Brasilen hitzaldia eskainiko du Maider Gorritiberea brigadista mutrikuarrak Gaztetxean. Mutrikuarra udan Askapenarekin brigadista egon da Brasilen, eta bertan bisitako experientziaren berri emango du Maddi Ane Txoperena brigadistarekin batera.
Gorritibereak aurreratu duenez, hainbat gairi buruz ariko dira hitzaldian. Brasilgo egoera politikoari buruz egiteko tartea egongo da, besteak beste. “Lurrik gabeko nekazarien mugimendua ezagutzeko aukera ere eduki genuen, eta han bizitakoa ere kontatuko dugu”.
Keu Agirretxea gitarra jotzen
