Jai Alai World Tourreko irabazleen lehia ikusgai, Urriko Azken Jai Alain
Hormaetxeak eta Lopezek Egigurenen eta Enbilen kontra jokatuko dute astelehenean. Aurretik, Gonzalo-Inza eta Olharan-Minvilleren arteko lehiaz gozatuko dute pilotazaleekJai Alai World Tourreko irabazleen norgehiagokagaz gozatzeko aukera eskainiko du Ur...
Hormaetxeak eta Lopezek Egigurenen eta Enbilen kontra jokatuko dute astelehenean. Aurretik, Gonzalo-Inza eta Olharan-Minvilleren arteko lehiaz gozatuko dute pilotazaleek
Jai Alai World Tourreko irabazleen norgehiagokagaz gozatzeko aukera eskainiko du Urriko Azken Jai Alaik Gernika-Lumon, astelehenean.Puntistarik onenek erakustaldia eskainiko dute beste urte batez Urriko Azken Astelehenean. Jai giroan elkartuko dira zaleak, eta eguneko protagonistak ere gozatzera aterako dira.
Bi partida jokatuko dituzte Jai Alai frontoian. 18:00etan hasiko da lehen norgehiagoka.
Gonzalo-Inza eta Olharan-Minville bikoteek lehiatuko dute lehenengo partida.
Horien ostean, berriz, Jai Alai World Tourreko aurtengo denboraldiko protagonista nagusienetakoen txanda izango da. Hormaetxeak eta Lopezek Egigurenen eta Enbilen kontra jokatuko dute.
Astelehenean herrian egongo den jai giroa frontoi barruan ere igarriko da. Aurrekoetan moduan, Jai Alai & Music saioagaz, zesta eta musika elektronikoa uztartuko dituzte. Partiden aurretik eta ostean, El Txef_A-k jarritako erritmoekin girotuko dute frontoia.
Sarrerak
Astelehenerako sarrerak salgai daude, 10 euroan. Gernika-Lumoko Turismo Bulegoan eskura daitezke astelehenetik zapatura, 10:00etatik 14:00etara eta 16:00etatik 19:00etara, eta domekan, 10:00etatik 14:00etara. Eta Jai Alai frontoian 16:30etik 19:30era eros daitezke. Halaber, egunean bertan txarteldegiak goizetik egongo dira zabalik.
