Gaba Beltza giro onean ospatu dute Mutrikun
Asteburuan Gaba Beltza ospatu dute Mutrikun. Ospakizunak, hain zuzen ere, barikuan [urriak 28] hasi ziren, Txantxangorri aisialdi taldeak antolatutako ekintzekin.
Adinaren arabera banatuta, bariku arratsaldean hainbat joko egin zituzten herriko ume gazteek. Txikienek, esate baterako, Talaixako mamuaren kalejira irudikatu zuten, eta nagusienek, aldiz, arratsalderik odoltsuena, misteriotsuena eta dibertigarriena bizitzeko aukera izan zuten.
Aurtengo ekimenak zapatuan [urriak 29] amaitu zituzten. Familia giroan beldurrak uxatzeko ipuin kontaketarekin gozatzeko aukera egon zen, eta eguna, berriz, metal soinuekin amaitu zuten.
