Tetxu Meabe Derteano absolbitu egin du Auzitegi Nazionalak
Atzo arratsaldean eman zion abokatuak ebazpenaren berri. «Pozik» hartu zuen albistea, hala ere, «konfrontaziorako gogoa» agerian dagoela adierazi duEspainiako Auzitegi Nazionalak errugabetzat jo du Tetxu Meabe Derteano lekeitiarra. Atzo arratsaldea...
Atzo arratsaldean eman zion abokatuak ebazpenaren berri. «Pozik» hartu zuen albistea, hala ere, «konfrontaziorako gogoa» agerian dagoela adierazi du
Espainiako Auzitegi Nazionalak errugabetzat jo du Tetxu Meabe Derteano lekeitiarra. Atzo arratsaldean jaso zuen abokatuaren deia albisteagaz, eta epaitegiaren jakinarazpena oraindik esku artean ez badauka ere, berriagaz «pozik» dagoela adierazi du.Jabi Goitia Kabi-ren heriotzaren urtemuga ekitaldia antolatzea egotzita, astelehenenan eduki zuen epaiketa lekeitiarrak, Madrilgo (Espainia) Auzitegi Nazionalean. Aipaturiko ekitaldian «ez zela egon eta ez zuela inork identifikatu» berretsi zuen bertan Meabek, eta testigu bi ere eraman zituen. Defentsaren argudioak fiskalenei gailendu zitzaizkiela uste izan bazuen ere, defentsak eskatutako absoluzioa lortzeko konfidantza gehiegirik ez zuela aitatu du.
Altsasuko auzia
«Espainiako Auzitegi Nazionalak erakusten duen jarrera eta konfrontaziorako gogoa bistan dago», adierazi du Meabek. Horren erakusgarri dela esan du, esate baterako, Altsasuko auzia. «Konfrontazioan gotortu nahi dute». Hori dela eta, bere ebazpenagaz pozik badago ere, kontestu orokorrak arduratzen duela nabarmendu du lekeitiarrak. «Gauzak ez dira aldatu».
