Nabarnizko Gabonetako Postal Lehiaketa, abian
Beste urte batez, bi atal izango dituen Gabonetako postalen lehiaketa antolatu du Nabarnizko Udalak. Batetik, marrazkien lehiaketa egingo dute, eta 5 eta 12 urte bitarteko umeek parte hartu ahalko dute. Bestetik, zorion agurrerako erabiliko duten testu...
Beste urte batez, bi atal izango dituen Gabonetako postalen lehiaketa antolatu du Nabarnizko Udalak. Batetik, marrazkien lehiaketa egingo dute, eta 5 eta 12 urte bitarteko umeek parte hartu ahalko dute. Bestetik, zorion agurrerako erabiliko duten testu lehiaketa egingo dute, eta horretan, 12 eta 17 urte bitartekoek parte hartu ahalko dute.
Marrazki lehiaketari dagokionez, DinA4 formatuan aurkeztu beharko dira lanak, edozein teknika erabilita. Gabonak eta euskal kultura hartu beharko dute gaitzat parte hartzaileek.
Zorion agurren testuak, bestalde, euskaraz batuaz zein bizkaieraz idatzita egon beharko dute, eta Gabonak eta urte berria zoriontzeko izan beharko dute. Bertsoa egiteko aukera ere egongo da, baina, kasu horretan, zortzi lerroko luzera eduki beharko du, gehienez.
Lehiaketa bateko zein besteko lanak gutun-azal baten barruan sartu beharko dituzte parte hartzaileek. Azken horren barruan jarri beharko dituzte parte hartzailearen datuak: izen-abizenak, adina eta harremanetarako telefonoa edota helbide elektronikoa. Hala, ezin izango da izenik jarri ez testuan ezta irudian ere.
Lehiaketa batean zein bestean parte hartzen dutenek abenduaren 5a izango dute beraien lanak udaletxean aurkezteko azken eguna. Bost egun beranduago egingo dute, aldiz, lehiaketa bi horien sari banaketa. Epaimahaiaren ustez marrazki onena egiten duenak ipuin ilustratu bat eta kamiseta bat jasoko ditu sari legez, eta zorion agurren irabazleari, aldiz, 60 euroko saria eta kamiseta bat banatuko diote. Horrez gain, irabazle bi horien lanekin Gabon postalak egingo ditu Nabarnizko Udalak.
Marrazki lehiaketari dagokionez, DinA4 formatuan aurkeztu beharko dira lanak, edozein teknika erabilita. Gabonak eta euskal kultura hartu beharko dute gaitzat parte hartzaileek.
Zorion agurren testuak, bestalde, euskaraz batuaz zein bizkaieraz idatzita egon beharko dute, eta Gabonak eta urte berria zoriontzeko izan beharko dute. Bertsoa egiteko aukera ere egongo da, baina, kasu horretan, zortzi lerroko luzera eduki beharko du, gehienez.
Lehiaketa bateko zein besteko lanak gutun-azal baten barruan sartu beharko dituzte parte hartzaileek. Azken horren barruan jarri beharko dituzte parte hartzailearen datuak: izen-abizenak, adina eta harremanetarako telefonoa edota helbide elektronikoa. Hala, ezin izango da izenik jarri ez testuan ezta irudian ere.
Lehiaketa batean zein bestean parte hartzen dutenek abenduaren 5a izango dute beraien lanak udaletxean aurkezteko azken eguna. Bost egun beranduago egingo dute, aldiz, lehiaketa bi horien sari banaketa. Epaimahaiaren ustez marrazki onena egiten duenak ipuin ilustratu bat eta kamiseta bat jasoko ditu sari legez, eta zorion agurren irabazleari, aldiz, 60 euroko saria eta kamiseta bat banatuko diote. Horrez gain, irabazle bi horien lanekin Gabon postalak egingo ditu Nabarnizko Udalak.
