Kirol munduan dabiltzanak omenduko dituzte Mutrikuko IV. Kirol galan
Mutrikuko Udalak antolatuta, IV. Kirol gala egingo da bihar [abenduak 16], 19:00etatik aurrera, udaletxeko areto nagusian. Udal iturriek gaineratu dutenez, ekitaldia irekia izango da. “Herritar guztiak daude bertara gonbidatuta”.
Ekitaldian, ohi modura, lau sari banatuko dira, 2015-2016 denboraldia kontuan hartuta: Kirolari onena, talde onena, Ibilbide onenaren saria eta Aipamen bereziaren saria. Ekitaldiarekin, hain zuzen ere, kirol munduan dabiltzan eta ibili diren pertsona edo eragileei onespena eta eskerrak eman nahi zaie sari baten bitartez.
Antolatzaileek aurreratu dutenez, Kirol gala aurten sari banaketarekin hasiko dira zuzenean; izan ere, ez da mahai ingururik egongo. Sari banaketa egin ondoren, bestalde, otordu txikia egongo da bertaratzen direnentzat.
