2017ko kluben arteko Euskal liga jokatzen hasi dira bertoko taldeak
Euskadiko Euskal Pilota Federakuntzak antolatuta, Euskal Liga hasi dute Lea-Artibai eta Mutriku hainbat taldek. Honako taldeek parte hartuko dute: Lea-Ibarra, Markinako Esku Pelota taldea, Mutrikuko Danok Bat pelotazale taldea, Markinako zesta eskola eta Berriatuko zesta eskola.
Euskal Pilotako txapelketarik garrantzitsuenak, hain zuzen ere, kadete, gazte, 22 urtez azpiko eta nagusi mailako pilotariak hartuko ditu. Honako diziplinetan jokatuko da txapelketa: eskuz banaka, eskuz binaka, nesken gomazko paleta, mutilen gomazko paleta, larruzko paleta, pala motza, frontenis eta zesta-punta.
2017ko kluben arteko Euskal lia atzo abian hasi bazen ere, lehen jardunaldiko partida gehienak bihar eta etzi jokatuko dira. Hala ere, kategoria batzuetan txapelketa datorren astean hasiko dela jakitera eman du federazioak. Honakoek beranduago hasiko dute txapelketa: eskuz banaka kadete eta nagusi mailetan, emakumezkoen gomazko paleta kadete mailan, gizonezkoken gomazko paleta gazte mailan, larruzko paleta 22 urtez azpiko mailan eta zesta-puntako EH Liga.
Partidak
- Eskuz binaka:
- Kadeteak. Aloña Mendi/Lea-Ibarra, urtarrilak 14, 17:00etan, Oñatin (Gipuzkoa).
- Gazteak. Markina/Añorga, urtarrilak 14, 17:30ean, Markina-Xemeingo Uni frontoian.
- Nagusiak, EHL. Lea-Ibarra/Paz Ziganda, urtarrilak 14, 16:30ean, Munitibarko frontoian.
- Nagusiak, EHL. LAZPKE/Markina, urtarrilak 14, 16:30ean, Lazkaon (Gipuzkoa).
- Zesta-punta:
- Gazteak. Markina/Gasteiz, urtarrilak 14, 12:00etan, Uni frontoian.
- Gazteak. Zumaia/Gernika Jai Alai, 17:00etan, Zumaian (Gipuzkoa).
- Gazteak. Iparralde/Markina, urtarrilak 14, 18:00etan, Donibane Lohitzunen (Lapurdi).
- Gazteak. Cabanillas/Danok Bat, urtarrilak 14, 17:00etan, Cabanillas (Nafarroa).
- Nagusiak, ohorezko maila. Berriatua-Cabanillas, urtarrilak 14, 17:00etan, Berriatuko Mendibarren frontoian.
