22. Kintxopeko zaldi-mando proben sariketa jokatuko dute Ispasterren
Bariku gauean [otsailak 10] hasiko da dema Etxebarriko Adorria anaien, Kortezubiko Eurtenetxeren eta Laukizeko Landazabalen saioagaz.
Zapatuan [otsailak 11], berriz, Aulestiko Ibaratz-Koba eta Maumeko Barayazarraren zaldien erakustaldiagaz gozatuko dute bertaratzen direnek.
Bestalde, azken saioan hiru probalari hauek parte hartuko dute: Aitor Alzaa aulestiarrak, Txibilter azkoitiarrak eta Jose Angel Lopez laudioarrak.
Barikuko eta zapatuko probak 21:00etan hasiko dira, eta domekan, 18:00etatik aurrera jokatuko dute sariketaren azken saioa.
Proben saio guztietan udalerriko harria erabiliko dute. Halaber, abereen oinarrizko pisua 400 kilokoa izango da, eta pisaketak saioak hasi baino ordu bete lehenago egingo dituzte. Betiko legez, probak Bizkaiko Euskal Joko eta Kirol Federakundeak kontrolatuko ditu.
Sariei dagokienez, manta eta txapelagaz batera 750 euroko diru saria jasoko du txapeldunak. Bigarren sailkatuak 650 euro irabaziko ditu, eta hirugarrenak 525 euro (gainontzeko sailkatuek ere diru saria jasoko dute).
Hala, saririk jaso gabe gelditzen den partehartzaile batek irabazlearen markaren %60 egitenez gero, 300 euro jasoko ditu.
Egutegia:
OTSAILAK 10 (21:00):
- Adorria Anaiak (Etxebarria)
- Eurtenetxe (Kortezubi)
- Landazabal (Laukiz)
- Ibaratz-Koba (Aulesti)
- Barayazarra (Maume)
- Aitor Alzaa (Aulesti)
- Txibilter (Azkoitia)
- Jose Angel Lopez (Laudio)
