Beste behin, ia 30 kontzerturen agertoki bilakatuko da Gernika
Musika emanaldiez gain, salsa jaia, disko azoka, tailerrak, dokumental proiekzioa, solasaldia, antzerkia eta erakusketa antolatu dituzte, besteak beste, Lekuek festibalerakoHerrian giroa sortzera eta musika eskaintzera dator laugarren urtez Lekuek fest...
Musika emanaldiez gain, salsa jaia, disko azoka, tailerrak, dokumental proiekzioa, solasaldia, antzerkia eta erakusketa antolatu dituzte, besteak beste, Lekuek festibalerako
Herrian giroa sortzera eta musika eskaintzera dator laugarren urtez Lekuek festibala. Beste behin ere, denetik ekarriko du, horretarako aukera ematen duen jaialdia izaten baita.Taberna, txoko zein bestelako agertokietan ariko dira hango eta hemengo musikariak, herria janzten. Hala, martxoaren 11tik 19ra bitartean, musikak ez du etenik izango herrian; izan ere, ia 30 bat kontzertugaz gozatzeko aukera egongo da Gernika-Lumon.
Kontzertuak baino gehiago eskainiko du, dena den, festibalak. Egitarau zabala prestatu dute datozen egunetarako, eta musika emanaldiez gain, salsa jaia, disko azoka, askotariko tailerrak, dokumental baten proiekzioa, solasaldia, haurrentzako antzerkia eta erakusketa egongo dira aukeran.
Musika emanaldi batzuk doakoak izango diren arren, sarrera erosi beharko du herritarrak gainontzekoetarako. Emanaldi guztietarako baliogarriak diren 25 euroko bonuak Astran eta Ariman dituzte salgai eta baita Interneteko Bibe plataforman ere.
Bestalde, Astra, Trinkete eta Iparragirre Rock elkarteko kontzertuetara joan nahi duenak aurre salmentan eros ditzake, Astran eta Ariman.
