GED-k mahai inguruan bilduko ditu Pamparacuatro, Mintegi eta Goirigolzarri
Erabakitzeko eskubidearen alde ariko dira bihar, Lizeo antzokian. Auto karabana bat egingo du herri dinamikak goizean, eta eguerdian, Xaiborregaz dantzan egin eta argazki erraldoia aterako duteBusturialdeko Gure Esku Dago-k erabakitzeko eskubidearen ez...
Erabakitzeko eskubidearen alde ariko dira bihar, Lizeo antzokian. Auto karabana bat egingo du herri dinamikak goizean, eta eguerdian, Xaiborregaz dantzan egin eta argazki erraldoia aterako dute
Busturialdeko Gure Esku Dago-k erabakitzeko eskubidearen eztabaida mahai gainean jarriko du zapatu honetan. Hain zuzen, politika eta ekonomia arloan adituak diren hiru gonbidatu bilduko ditu Gernika-Lumoko Lizeo antzokian: Xabier Goirigolzarri (EAJ), Laura Mintegi (EH Bildu) eta Elsa Pamparacuatro (Ahal Dugu-Podemos). 12:00etan hasiko da Amaia Uribe kazetariak gidatuko duen mahai ingurua.Horren aurretik, Busturialdeko hainbat herritatik heldutako autoek karabana egingo dute, Gernika-Lumon. Ekintza horregaz, apirilaren 2an erabakitzeko eskubidea gauzatzera deitu gura dituzte herritarrak, eta 11.00etan aterako dira autoak Santa Ana aparkalekutik.
Mahai inguruaren ostean, txikien txanda izango da Pasealekuan. Xaiborren eskutik, dantzan egiteko aukera edukiko dute, 13:30etik aurrera. Ostean, 14:00etan, talde argazkia aterako dute.
Zinegotziei omenaldia
Domekan, berriz, Gernika-Lumon zinegotzi izandakoei omenaldia egingo die Gure Esku Dago-k. Horretarako, 12:30ean bilduko dira, Foru plazan. Hala eta guztiz ere, euria eginez gero, omenaldia Merkatu plazan egingo luketela jakinarazi du herri dinamikak.
