Busturialdea izango da Bizkaian erabakiko duen lehen eskualdea
Apirilaren 2an egingo dute herri galdeketa eskualdean. Guztira, 39.146 herritar daude deituta egun horretan erabakitzeko eskubidea gauzatzera. Jendarte anitzaren babesa daukateErabakitzeko eskubidea daukan eta bere sasoia dela uste duen herria bildu ze...
Apirilaren 2an egingo dute herri galdeketa eskualdean. Guztira, 39.146 herritar daude deituta egun horretan erabakitzeko eskubidea gauzatzera. Jendarte anitzaren babesa daukate
Erabakitzeko eskubidea daukan eta bere sasoia dela uste duen herria bildu zen zapatuan, Gernika-Lumon. Busturialdeko herri ezberdinetakoak batuta, Bizkaian eskualde bezala erabakitzeko eskubidea gauzatzen le- hena Busturialdea izango dela jakinarazi zuten Lizeo antzokian egindako agerraldian.Bermeon hasi zuten erabakitzeko eskubidearen aldeko bidea, baina Busturialde osora hedatu zen ondoren. Apirilaren 2an gauzatuko dute erabakitzeko eskubidea, eta olatu horren barne daude eskualdeko hamasei herri eta hainbat auzo. Hain zuzen, Ajangizko, Arratzuko, Bedaronako, Bermeoko, Busturiko, Eako, Ereñoko, Errigoitiko, Foruko, Gautegiz Arteagako, Gorozikako, Gernika-Lumoko, Ibarruriko, Kanalako, Kortezubiko, Mendatako, Morgako, Muruetako, Muxikako, Nabarnizko eta Natxituko bizilagunek beraien etorkizunari buruz galdetuko dien galderari erantzuteko aukera edukiko dute.
Tokian tokiko galdera
Busturialdeko 39.146 herritar izango dira apirilaren 2an beraien etorkizunari buruz erabakitzeko eskubidea izango dutenak. Egun horretan erabakiko du, hain zuzen ere, Busturialdeak «zein itsasotan arraun egin nahi duen».
Galdeketaren egunean, baina, herri bakoitzak bere galdera egingo du, aurretiaz tokian toki adostutakoa: Nahi duzu Euskal Herri burujabe bateko herritar izan?; Nahi al duzu izan euskal estatu independiente bateko herritar?; Nahi al duzu izan euskal estatu burujabe bateko herritar? Euskal herritarra izanik, gure etorkizuna erabakitzeko eskubidearen alde zaude? izango dira Busturialdean egingo dituzten galderak.
Galderak galdera, Busturialdeak erabaki egingo du apirilaren 2an; batetik, herritarrek «erabaki nahi dutelako», eta, bestetik, «herri bezala, nazio bezala, erabakitzeko eskubidea daukalako».
Erabakitzearen aldekoak
Erabakitzeko eskubidearen al-de, hainbat pertsona ezagun batu ziren zapatuan, Gernika-Lumoko ekitaldian. Halaber, bertaratu ezin, baina galdeketari babesa ematen dietenen zerrenda zabala da Busturialdean: Eñaut Elorrieta, Haimar Arejita, Mikel Caballero, Josu Bergara, Kepa Junkera, Xabier Zubiaga Xaibor, Alaine Agirre, Ilaski Serrano, Amaia Uribe, Ander Zabala, Jon Andoni Rementeria, Julen Madariaga, Jose Antonio Bastegieta Marko, Joan Mari Torrealdai, Kepa Bilbao, Ana Zubiaga, Martin Orbe, Julen Calzada, Karmelo Landa, Txomin Arana, Federico Etxabe, Ildefonso Urizar, Asier Villalibre, Lander Torrealdai, Maria Zorroza, Imanol Goñi, Izaskun Garcia, Lur Uribarren, Jon Magunazelaia edota Terese Madariaga.
Babes zabalaren adierazle izan zen, baita ere, atzerritik heldutako Busturialdeko hainbat bizilagunek parte hartzea. Zeinek bere hizkuntzan, Busturialdean erabakitzearen alde daudela adierazi zuten zapatuan.
Ekitaldia bukatuta, erabakitzeko eskubidearen eztabaida mahai gainera eraman zuten politika eta ekonomia arloan aditu Xabier Goirigolzarrik, Laura Mintegik eta Elsa Pamparacuatrok.
Ostean, Gernikako Pasealekuan Xaiborregaz dantza festa egiten zuten bitartean, jana eta edana eskaini zuen GED-k. Talde argazkia ere atera zuten.
