TKE Ligaren estropada hartuko du Ondarroak abuztuan

Aintzina Monasterio

2017/03/20

TKE Ligako hamazortzi arraun taldeek abuztuaren 13an jokatuko dute 33. Ondarroako Bandera. TKEko bazkideak Bermeoko Arrantzaleen Museoan batu ziren zapatu goizean [martxoak 18] hamabosgarren denboraldiko egutegia onartu eta erakundearen organoetako karguak berresteko. Hamazortzi estropadaren datak ezagutara eman dituzte, eta horietan lehenengoa uztailaren 1eko VIII Bilboko Bandera izango da. Momentuz ez dute argitu aurreko urteetan bezala ekainean Basque Country Bandera lehiatuko ote duten. Azken urteetan modura, irailaren 17ko El Corte Ingles Bandera izango da egutegiko azkena (Portugaleten lehiatuko dute). Egun bat lehenago, Bermeoko Hiria 35. Bandera lehiatuko dute. Hain zuzen ere, bi estropada horietan jokatuko dira play off-ak. Hainbat berritasun dakartza aurtengo egutegiak. Uztailaren 15ean Coruñako Riazor hondartzan eta biharamunean Ares udalerrian lehiatuko dituzte estropadak. Halaber, Santanderreko Sardinero hondartzara bueltatuko da aurten lehia. Bestalde, emakumezkoen Euskotren ligaren denboraldia abuztuaren 20an amaituko dute Zarautzen. Presidente berria Urtarrilean izendatu zuten Borja Rodrigo TKEren presidente, eta zapatuko batzarrean estreinatu zuen ofizialki kargua. Era berean, Felix Mercado Lehiaketa Epaile izendatu dute, eta Batzorde Teknikoan Julen Erauzkinek beteko du Ainhoa Iñiguezen lekua. Aldaketa horiek onartzeagaz batera, beste hainbat kargu berretsi zituzten, eta millioi bateko aurrekontua onartu zuten. EGUTEGIA (gizonezkoak):

Uztailak 1. VIII. Bilboko Bandera
Uztailak 2. XVI. Sestaoko Udala Bandera
Uztailak 8. Orioko 27. Estropadak – V. Orio Kanpina Bandera
Uztailak 9. Donostiako Bandera
Uztailak 15. Coruña (Riazor hondartza)
Uztailak 16. X. Concello de Ares Bandera
Uztailak 22. V. Caixabank Bandera (Santander)
Uztailak 23. Pasaia
Uztailak 29. Getxoko Estropaden 39. Ikurriña
Uztailak 30. 34. Petronor Bandera (Zierbena)
Abuztuak 12. Hondarribiako 30. Bandera – GP Mapfre
Abuztuak 13. 33. Ondarroako Bandera
Abuztuak 19. 40. Zarauzko Estropadak
Abuztuak 20. 40. Zarauzko Estropadak
Abuztuak 26. 35. Bandeira Concello de Moaña – VII. GP Fandicosta
Abuztuak 27. 27. Banderira Concello de Boiro
Irailak 16. Bermeo Hiria 35. Bandera (play off)
Irailak 17. 47-43 El Corte Ingles Bandera (Portugalete)

EGUTEGIA (emakumezkoak):

Uztailak 8. Orioko 27. Estropadak – V. Orio Kanpina Bandera
Uztailak 9. Donostiako Bandera
Uztailak 22. V. Caixabank Bandera (Santander)
Uztailak 23. Pasaia
Uztailak 29. Getxoko Estropaden 39. Ikurriña
Uztailak 30. 34. Petronor Bandera (Zierbena)
Abuztuak 19. 40. Zarauzko Estropadak
Abuztuak 20. 40. Zarauzko Estropadak