Gure Esku Dago-k aurretiazko botoak batzen jarraitzen du
Botoa aurretiaz emateko aukera egongo da egunotan. Lea-Artibain burutuko den erabakitzeko eskubidearen aldeko ekimena babestu du EH BildukMaiatzaren 7a gainean dagoela eta, Lea-Artibai eta Mutrikuko Gure Esku Dago herri dinamikak parte hartzeko mezuak ...
Botoa aurretiaz emateko aukera egongo da egunotan. Lea-Artibain burutuko den erabakitzeko eskubidearen aldeko ekimena babestu du EH Bilduk
Maiatzaren 7a gainean dagoela eta, Lea-Artibai eta Mutrikuko Gure Esku Dago herri dinamikak parte hartzeko mezuak han eta hemen ari dira zabaltzen. Bide horretatik, hainbat herritan joan den asteburuan hasi ziren aurretiazko botoak jasotzen. Mendexan eta Ziortza-Bolibarren hilaren 23an jaso zituzten, esate baterako. Datozen egunetan ere oraindik boto aurreratua emateko aukera eskainiko dute Aulestin, Amoroton, Berriatuan, Etxebarrian, Lekeition, Markina-Xemeinen, Munitibarren, Mutri- kun eta Ondarroan.Bestalde, eskualdeko alderdi eta taldeak, maiatzaren 7an Lea-Artibain burutuko den erabakitzeko eskubidearen gauzatzearen alde agertu dira. Atzo bertan, Lea-Artibaiko EH Bilduk agerraldia egin zuen Markina-Xemeinen. Erabakitzeko eskubidearen aldarrikapenetik gauzatzera igarotzeko ekimenak balorean jarri eta babestu behar direla adierazi zuten, eta maiatzaren 7an herri-ekimenez burutuko den erabakitzeko eskubidearen gauzatze praktikoa babesteeaz gain, herritarrei parte hartzeko deia luzatu zieten, egingo den galderari Baiezko bozka eskatuz. «EH Bilduk argi dauka Euskal Herri burujabe baten alde lan egiten jarraituko duela, eta, beraz, Euskal Herria nazioa izateaz gain, estatu burujabea izan behar dela aldarrikatzen dugu».
Musika eta dantza
Maiatzaren 7ra begira mutrikuarrek egindako abestia oinarritzat hartuz, Mutrikuko Gure Esku Dago-k ekintza egingo du gaur, 20:00etan, Beheko Plazan. Azaldu dutenez, kiroldegian zumba erakusten duen herritarrak koreografia bat proposatuko du, eta denbora tarte baten hori ikasteko aukera edukiko dute herritarrek. Ikasi ondoren, abestiaren bideoklipa proiektatu eta dantzan egingo dute.
Herritarrei ekintzan parte hartzeko deia egin diete Mutrikuko Gure Esku Dago-ren kideek.
