Berdura Plazako edukiontziak berrantolatuko dituzte Ondarroan
Hondakinen sailkapena errazteko berrantolatuko dituzte edukiontziak Berdura Plazan eta Alde Zaharrean. Helburua inguru horretako herritar, tabernari eta merkatariei gai bakoitza dagokion edukiontzira botatzeko lana erraztea da. Bestalde, botilak botatzea errazagoa izateko gurpildun edukiontzi bana banatuko die Ondarroako Udalak tabernariei.
Berdura Plazak Zubi Barrian daukan sarreran errefusa batzeko edukiontzi bat, ontziak batzeko edukiontzi bat eta beira edukiontzi bat jarriko dituzte. Orain dauden errefusaren hiru edukiontzien ordez jarriko dituzte horiek. Berdura Plaza barruan dauden papera eta kartoia birziklatzko edukiontzien lekuan, mota bereko edukiontzi berri bi eta errefusa batzeko beste bat jarriko dituzte.
Helburua Alde Zaharrean edukiontzi gune berri bat sortzea da, zamarrak gaika sailkatzeko eta herritarrek gehiago birziklatzeko.
