Saharatik Ispasterrera, trukean
Belaunaldien arteko transmisio landuz, ezagutzak eta esperientziak trukatzeko proiektua lantzen dabiltza Ispasterko Herri Eskola, Guraso Elkartea eta Hirugarren Adinekoen Elkartea.
Proiektu horren barruan sahararrei laguntzeko ekimena burutu dute ikasturteko bigarren hiruhilekoan, eta azoka solidarioan 530 euro lortu, eta Farsia herriko eskolara bideratu zituzten. Han argindarra jartzen ari dira eta horretarako erabiliko dute ispastertarrek bidalitako dirua.
Hain zuzen ere, Maite Zabala Hirugarren Adinekoen Elkarteko presidentea eta Karlos Arrizubieta idazkaria joan ziren eskolara Aste Santuko oporraldian, eta hango 400 umeekin batu ziren.
Ispasterko umeek eskola materiala eta euskal alfabetoa bidali zizkieten eta haien arabierazko alfabetoa, eskerrak emateko idatzitako gutuna eta sahararrekin ateratako argazkiak eraman dizkie Zabalak gaur arratsaldean eskolara.
Azoka solidarioan lortutako dirua eta eskola materiala eraman zizkieten sahararrei Aste Santuan.
Zabala eta Arrizubieta eskolako zenbait umerekin.
Zabala umeei azalpenak ematen gaur arratsaldean.
