Errefuxiatuen aldeko zozketa egin du Ondarroako Ahlan Wa Sahlan elkarteak
Errefuxiatuen aldeko elkartasun zozketa egin zuen atzo arratsaldean [uztailak 5] Ondarroako Ahlan Wa Sahlan elkarteak. Zozketan, azken hilabetean herriko dendetako erakusleihoetan ikusgai egon diren herriko artistek egindako lanak banatu zituzten: kuadroak, musika, argazkiak…
Zozketaren helburua, Grezian harrapatuta dauden milaka errefuxiatuei laguntzen aritzen den Himalaya taldeari ekarpena egitea zen, euren jardunarekin ahalik eta hobekien jarraitu dezaten. Ahlan Wa Sahlan elkarteko kideek eskerrak eman nahi izan dizkiete elkartasun zozketan parte hartu duten guztiei alde batetik eta euren lanak zozketarako eman dituzten artista guztiei bestetik.
Gogorarazi dute, errefuxiatuek oso egoera latza bizitzen jarraitzen dutela, eta laguntza ematea beharrezkoa dela.
Zozketatu den artelanetako bat.
