Re-vuelcate egitasmoaren gurpil solidarioa Markina-Xemeindik igaro da
Re-vuelcate izenburuagaz, Fibrosi kistikoaren eta minbiziaren ikerketarako dirua batzea helburu duen egitasmoa gaur [uztailak 8] iluntzean ailegatu da Markina-Xemeinera. Euskal Herriko zatiaren antolakuntzaren ardura Etxebarriko Antsotegi hotelekoek hartu dute, eta gaur, Lea-Artibai eskualdea zehar bueltaka erabili dute gurpila.
Traktore gurpil handi bat Irundik (Gipuzkoa) Santiagoraino (Galizia) arte eramatea da asmoa, iraulita; Iparraldeko Done Jakue bideaan zehar. Eguenean [uztailak 6] jarri zuten gurpila biraka. Euskal Herriko zatia uztailaren 10ean amaituko da, gurpila 15:00ak aldera Ontonera ailegatzen denean. Dena dela, bidean aurrera egiten jarraituko du, uztailaren 23an Santiagora ailegatu arte.
Antsotegi hotelekoen deiari erantzunda hainbat lagun ari dira parte hartzen egitasmoan. Bide batez, dirua bildu eta kamisetak ere saltzen dituzte Fibrosi kistikoaren eta minbiziaren ikerketarako dirua batzeko.
