Teresa Donearen jaiak, urtero bezain girotsu

Lea-Artibai, Mutriku eta Busturialdeko Hitza

2017/10/25

Aurten ere giro onean ospatu dira Atxondoa auzoko Teresa Donearen jaiak. 23. Margo Lehiaketa izan zen lehen ekintza, eta 3 urtetik 10 urte bitarteko 29 umek parte hartu zuten lehiaketan. Horien guztien lanak ikusgai daude, Bikale tabernan. Margo lehiaketan parte hartu zuten hamabi lanek saria izan zuten: 3-4 urte arteko atalean Izar Ormaetxeak, Noah Longartek eta Abdou Thior-ek eraman zuten saria; 5-6 urteko atalean Peru Idoeta Erkiagak, Mirian Perez Plazak eta Joane Musatadik; 7-8 urte arteko saridunak Iraia Mendibe, Enara Olabarria, Mikele Idoeta eta Ahian Longarte izan ziren eta 9-10 urtekoen artean Paule Musatadi eta Arai Lejardi. Arratsaldea umeentzeko jolasek eta Gari eta Amaia musika taldeak girotu zuten. Horrez gain, txokolatea eta gozokiak izan zituzten jaira hurreratu ziren guztiek.