Mutriku Futbol Taldeko neskek Amaikak Baten aurka jokatuko dute
Mutrikuko mutilek, Aurrerak eta Artibaik bihar arratsaldean jokatuko dute. Berriatuko eta Lekeitio domekan ariko dira. Artibai lehen garaipenaren bila doaMutriku Futbol Taldeko neskek Debako Amaikak Bat taldearen aurka jokatuko dute bihar.Leire Fernand...
Mutrikuko mutilek, Aurrerak eta Artibaik bihar arratsaldean jokatuko dute. Berriatuko eta Lekeitio domekan ariko dira. Artibai lehen garaipenaren bila doa
Mutriku Futbol Taldeko neskek Debako Amaikak Bat taldearen aurka jokatuko dute bihar.Leire Fernandez ondarrutarrak entrenatutako neskek partidu berezia jokatuko dute bihar. Mutriku eta Amaikak Baten arteko lehiak beti izan ohi dira bereziak, bi herrien arteko gertutasunarengatik. Gainera, sailkapenean 3 puntuk baino ez ditu al- dentzen bi taldeak; Amaikak Batek 4 ditu, eta Mutrikuk bakarra. Azken asteburuan ez zuten jokatu mutrikuarrek, atsedena egokitu zitzaielako. Urolaren aurka jokatu zuten azken partidua, eta lortu zuten berdinketari esker daukate sailkapenean puntu hori.
Bihar 18:30ean gogo biziz aterako dira Errota Zar futbol zelaira. Giro polita espero da, eta mutrikuarrak sailkapenean debarren pare jartzeko itxaropentsu daude.
Mutriku Futbol Taldeko mutilak izango dira jokatzen lehenak. 16:15ean Aretxabaleta izango da bisitari, San Migelen. Txaparroren mutilak pozik daude Ordizian lortutako azken garaipenarekin, eta kanpoko 3 puntuei etxean beste hainbeste batzen saiatuko dira.
Aurrerak 17:00etan jokatuko du Zaldupen San Pedroren aurka. Sestaoarrak iaz play off-a jokatuta daude, eta aurten ere talde gogorra direla erakutsi dute. Ibon Lopezen mutilak zaletuen aurrean garaipena lortzen saiatuko dira, iragan astean etxetik kanpoko lehen puntuak lortu ostean. Etxeko azken partiduan banako berdinketa lortu zuten Sondikaren aurka.
18:00etan jokatuko duena Artibai Futbol Taldea izango da. Bilboko El Fango kiroldegian Urretxindorraren aurka ariko dira, ligako lehen garaipena lortzeko itxaropenarekin. Gogotsu daude Lekunberriren mutilak.
Domekan, berriz, Lekeitiok eta Berriatukok jokatuko dute. Lekeitiarrak goizean arituko dira Bilboko La Roseta zelaian, Iturrigorriren aurka, 11:30ean.
Berriatuarrak, aldiz, iragan asteko Bermeoren aurkako lehen garaipena lortu eta gero, prest daude Montefuerteri aurre egiteko. Domekan 17:00etan dute hitzordua Arrigorriagan.
