Bittor Astigarragak eta Geaxi Ezpeletak irabazi dute Euskal Herriko 28. Hiru Txirlo Bola Txapelketa

2017/10/28

Asola Berri elkartekoek saioz saio lorturiko emaitzek opari ederra izan dute. Astigarragak ez du hutsik egin Iruzubietan jokatutako azken saioan, eta guztira 21 txirlo lortuta, gizonezkoen txapela jantzi du. Xabier Loiola (18 txirlo) eta Gotzon Uranga (18 txirlo) izan dira bigarren eta hirugarren sailkatuak. Ezpeletak 11 txirlo bota ditu; Sonia Gomez (6) eta Amaia Korta (5) izan dira bigarren eta hirugarren emakumeak. Gainerako mailei dagokienez, alebin mailan, Ugaitz Segurola izan da irabazlea, eta haren atzetik bigarren geratu da Kepa Rodriguez. Nagusietan ere Bittor Astigarraga izan da onena, Juan Luis Rodrigez (14) eta Antolin Arizmendiaren (14) aurretik. Bikoteen kategorian, Xabier Loiola eta Angel Ibarluzea izan dira txapeldunak (36 txirlo); Bittor Astigarraga-Bittor Ugarteburu (33) eta Iñaki Caballero-Agustin Garciak (31) osatu dute bikotekako podiuma. Taldeetan, Asola Berri A nagusitu da, 74 txirlogaz; San Andres (57) eta San Migel Ak (56) osatu dute podiuma. Iruzubieta A laugarren geratu da, 53 txirlogaz. Herrialdeetako txapeldunei dagokienez, Xabier Loiola izan da Gipuzkoako 2017ko bolari onena, eta Antolin Arizmendiarrieta izan da Bizkaikoa. 58 eta 41 txirlo lortu dituzte, hurrenez hurren.

55 parte hartzaile aritu dira Iruzubietako saioan

50 parte hartzaile aritu dira Iruzubietako saioan

Iruzubietako saioan 50 bolari aritu dira, eta Iñaki Loiola (San Migel) nagusitu da 9 txirlogaz; txirlo kopuru beragaz, Gotzon Uranga (Lastur) eta Juan Luis Rodrigez (Asola Berri) izan dira, hurrenez hurren, bigarrena eta hirugarrena. Garmendipeko Agustin Garciak eta Iñaki Caballerok eskuratu dituzte 4. eta 5. postuak, 8na txirlogaz. 6. sailkatua Xabier Loiola ( San Migel) izan da, 7 txirlogaz. 65 euro jaso ditu irabazleak, 50 bigarrenak, 35 hirugarrenak, 20 laugarrenak, 10 bosgarrenak eta oparia seigarrenak. Txapelketak iraun duen artean, 70 inguru izan dira bola jokoan parte hartu dutenak. Maila ona eman dute, eta saioz saio, lagunarteko giroa nagusitu da. Iruzubietan ere horrela izan da.

Euskal Herriko 28. Hiru Txirlo Bola Txapelketa