Isuntzaren aurtengo traineruak irabazi du arraun desafioa
Isuntzako aurtengo traineruak irabazi zuen zapatuan jokatu zen arraun desafioa. Isuntzaren gizonezkoen arraunlari beteranoen trainerua, Isuntzaren aurtengo gizonezkoen taldea eta Lea-Artibai nesken taldea atera ziren uretara arraun desafioa irabazteko ...
Isuntzako aurtengo traineruak irabazi zuen zapatuan jokatu zen arraun desafioa. Isuntzaren gizonezkoen arraunlari beteranoen trainerua, Isuntzaren aurtengo gizonezkoen taldea eta Lea-Artibai nesken taldea atera ziren uretara arraun desafioa irabazteko gogoz. Beteranoei 20 segundo aterako zizkietela jokatu zuten gazteek, eta 2 segundogatik bete zuten erronka.
Lehia estua izan zen. Ziabogaraino beteranoek zeukaten garaipena eskuetan, baina gizonezkoen talde bien arteko aldea handitu egin zen helmugara orduko. Gazteek ziabogan 5.03 denbora egin zuten, eta 10.06 denbora eginez sartu ziren helmugara; Isuntzaren gizonezkoen arraunlari beteranoen trainerua, berriz, 10.28 denbora beteta sartu zen helmugan; ziabogan 5.11 denbora egin zuten.
Beste bi taldeekiko minutu eta erdi ez zituztela galduko apustu egin zuten neskek. Baina espero baino denbora gehiago atera zieten beste bi traineruek. Ziabogan 6.21 egin zuen Lea-Artibaik, eta 13.01 denbora eginez sartu ziren helmugan. Giro ona izan zen nagusi, eta ikusle asko batu ziren Talan lagunarteko saioa ikusteko. Isuntzak eskerrak eman dizkie parte-hartzaile zein ikusleei.
Lehia estua izan zen. Ziabogaraino beteranoek zeukaten garaipena eskuetan, baina gizonezkoen talde bien arteko aldea handitu egin zen helmugara orduko. Gazteek ziabogan 5.03 denbora egin zuten, eta 10.06 denbora eginez sartu ziren helmugara; Isuntzaren gizonezkoen arraunlari beteranoen trainerua, berriz, 10.28 denbora beteta sartu zen helmugan; ziabogan 5.11 denbora egin zuten.
Beste bi taldeekiko minutu eta erdi ez zituztela galduko apustu egin zuten neskek. Baina espero baino denbora gehiago atera zieten beste bi traineruek. Ziabogan 6.21 egin zuen Lea-Artibaik, eta 13.01 denbora eginez sartu ziren helmugan. Giro ona izan zen nagusi, eta ikusle asko batu ziren Talan lagunarteko saioa ikusteko. Isuntzak eskerrak eman dizkie parte-hartzaile zein ikusleei.
