Ondarroako Udalak herriko taldeek diru laguntzak eskatzeko daukaten sistema bateratu egin du
Hilabete honetan egongo da laguntzak eskatzeko aukera eta sistema berriaren bitartez egin beharko da. Metodo berri hau udalak herriko talde eta udaleko teknikariekin batera landu du.
Honen bitartez, irizpide batzuk bateratu eta diru-laguntzak eskatzeko deialdia aldi berean egitea lortu nahi du Ondarroako Udalak. «Herritarrei eta herriko kirol eta kultur taldeei gauzak asko erraztuko dizkietela uste dugu», azaldu du Zunbeltz Bedialauneta alkateak.
Sistema berri hau lehenengo udaleko teknikariekin landu da eta ondoren arlo bakoitzeko batzordeetara bideratu da, taldeetako ordezkariekin lantzeko. Horrenbestez, aurten arlo guztietako diru-laguntza deialdia aldi berean publikatuko da eta entregatzeko data ere berdina izango da.
Ondarroako Udalaren xedea sistema honen bitartez diru laguntzak eskatzen dituztenei bidea erraztea izan dela azpimarratu dute udal ordezkariek.
Aniztasun batzordearen bilera bat. Argazkia: Ondarroako Udala
