Amorotoko txahal jan herrikoirako txartelak salgai daude
Abenduaren 2an egingo duten txahal-jan herrikoirako txartelak Herriko Tabernan eskuratu daitezke, eta azaroaren 17a (barikua) da txartelak erosteko azken eguna. 12 urtera artekoentzat 6 eurotan daude salgai, eta nagusientzat 25 eurotan.
Herriko Kultura Batzordeak eta Amorotoko Udalak egun osoko egitaraua prestatu dute. Eguerdian herriko abereen feria ikusi, eta taloak, karakolak edota gaztaina erreak dastatzeko aukera egongo da.
Egun osoan zehar erreko dute Serafina txahala, eta 20:30etik aurrera jango dute.
EGITARAUA:
- 11:30. Meza.
- Eguerdian. Ohiturazko janarien erakusketa eta dastaketa (taloak, karakolak, gaztaina erreak, sagardoa etab.). Herriko abereen feria. Izarra eta Maren trikitilariak.
- 20:30. Txahal-jan herrikoia.
- Ondoren. Jokaldi taldeagaz erromeria frontoian.
