Desfibrilagailua erabiltzen ikasteko ikastaroa emango dute Ispasterren
Desfibrilagailua zelan erabili ikasteko saioa egingo dute otsailaren 10ean Ispasterko Iñigo Egiluz Aretoan.
Ikastaro horretan parte hartzeko aldez aurretik izena ematea beharrezkoa da. Hain zuzen, udaletxean izena eman behar da otsailaren 2a baino lehen. Bertaratzerik ez dutenentzat honako hau da udaletxeko telefono zenbakia: 94-684 29 99.
Udaletik jakitera eman dutenez, 20 parte hartzailetako muga jarri dute, eta Ispasterren erroldatuta daudenek dute lehentasuna.
Otsailaren 10ean 10:30etik aurrera irakatsiko diete desfibrilagailua erabiltzen ikastaroan parte hartzen duten herritarrei. Aitor Larrinaga, Cesar Merino eta Santi Peña medikuek eta Gurutz Telleria larrialdietako sorosleak gidatuko dute saioa.
