Ugaitz Mugertza mutrikuarra hirugarren geratu da Binakako Urrezko Aizkorako finalean
Atzo [martxoak 4] Azpeitiako Izarraitz plotalekuan jokatu zen finalean hirugarren amaitu zuten mutrikurrak eta Joseba Otaegi bere bikoteak. Iker Vicente eta Ruben Saralegi lehengusuak izan ziren txapela buruan jartzea lortu zutenak, iaz azpitxapeldunak izan eta gero.
Irabazleek 24 minutu eta 45 segundo behar izan zituzten euren lanak amaitzeko, Aitzol Atutxak eta Julen Alberdik minutu bat eta zortzi segundo gehiago eta Ugaitz Mugertzak eta Joseba Otaegik irabazleek baino minutu eta erdi gehiago. Bikote txapeldunak finaleko bost frogetatik hiru irabazi zituen, eta beste bi bikoteek froga banatan irabazi zuten.
Hiru bikoteek lehia estua eduki zuten azken enborretaraino, eta horren erakusle izan zen aazken froga hasi baino lehen bi bikote faboritoek hamaika segundoko aldea zeukatela bakarrik beraien artean, eta Mugertza eta Otaegi ere bakarrik 37 segundora zeudela. Mugertzak eta Otaegik denbora asko zeukaten kentzeko azken lanean beste bikoteei gutxienez azpitxapeldunak izan nahi bazuten, baina azkenean ez zuten lortu eta bigarren postutik 22 segundora geratu ziren.
Mugertza, atzoko finalean. Argazkia: Ibon Errazu
Mugertza, Izarraitzen. Argazkia: Ibon Errazu
