Imanol Goñi natxituarra, Euskal Herriko txapeldun
Aloñako Igoeran errekorra gainditzetik hurbil geratu da; gurutzeko errekorra 24 segundotan hobetu du. Nesketan Oihana Azkorbebeitia abadiñarra nagusitu daImanol Goñi natxituarrak eta Oihana Azkorbebeitia abadiñarrak irabazi dute Euskal Herriko Txap...
Aloñako Igoeran errekorra gainditzetik hurbil geratu da; gurutzeko errekorra 24 segundotan hobetu du. Nesketan Oihana Azkorbebeitia abadiñarra nagusitu da
Imanol Goñi natxituarrak eta Oihana Azkorbebeitia abadiñarrak irabazi dute Euskal Herriko Txapelketa.Aloñako Igoeran 2 ordu eta 9 segundoko denbora egin zuen Goñik domekan, eta 2014.urtean ezarritako errekorretik bost segundora geratu zen. Hala, Aloñako errekorra gainditzea lortu zuen natxituarrak; 48 minutu eta segundo 1 markatu zuen gurutzean, zegoen errekorra 24 segundotan hobetuta. Erritmo bizia ezarriz, hasieratik jarri zen lasterketa buruan.
Azkorbebeitiak 2 ordu, 28 minutu eta 11 segundoko marka lortu zuen.
Walter Becerra sestaoarrak eta Julen Larruzea larrabetzuarrak osatu zuten gizonezkoen podiuma. Becerra Goñirengandik 58 segundora helmugaratu zen, eta Larruzeak Goñik baino 4 minutu eta 25 segundo gehiago behar izan zituen 22,6 kilometroko proba amaitzeko.
Nesken podiuma Andoaingo Vanessa Pelaezek eta Gasteizko Majida Maayouf korrikalariek osatu zuten. Irabazleak 7 minutu eta 41 segundo atera zizkion bigarrenari. Maayoufek, ostera, Azkorbebeitiarengandik 8 minutu eta 27 segundora amaitu zuen lehia.
Barikuan amaitu
Mendi lasterketetako korrikalarientzako urteko hitzordu berezienetako da Aloñako Igoera, eta esaterako, Arrolape Mendi Klueko kideek ez zuten hutsik egin.
Busturialdeko eta Lea-Artibaiko hainbat korrikalari egon ziren Oñatin. Ondarroatik joan ziren Iñigo Arantzamendi (24.)Mikel Dieguez (31.),Txomin Bustindui (135.), Eñaut Lertxundi (144.) eta Asier Idoiaga (158.).
Iñigo Bilbao (70.), Gorka Cabello (93.), Arkaitz Castañares (94.), Kepa Bastegieta (136.), Iñaki Oar-Arteta (172.), Jon Landa (184.), Raul Rubio (239.), Iñaki Garcia (250.) eta Ander Rike (251.) gernikarrak, Xabier Arribalzaga kortezubitarrak (118.) eta Aitor Urrutia arratzuarrak (162.) ere parte hartu zuten.