Andrabanda feministak ikastaroa emango du Ondarroako Etxelilan
Ondarroako Andrabanda Feministak formakuntza ikastaroa eskainiko du Etxelilan. Ikastaroa, batez ere, taldera batu nahi dutenentzat jarri dute martxan. “Taldea indartzeko asmoagaz, ikastaro hau zabaltzen da taldera batu nahi duten guztiei aukera luzatzeko”.
Andrabanda 2011ko udaberrian sortu zen, Jabekuntza Eskolaren baitan antolatutako ikastaro baten ostean. Perkusioa eta abestiak tarteko, “aldarrikapen feministak kaleratu eta emakumeenganako indarkeria matxistaren aurkako borrokari ekarpena egitea” dira euren helburu nagusia.
Ikastaroa dagokionez, zapatuan [maiatzak 5] hasiko da, eta guztira, bost saio egingo dira, denak ere, 11:00etatik 14:00etara. Hurrengo saioak honako egunetan izango dira: maiatzak 12 eta 27 eta ekainak 9 eta 23.
Jakitera eman dutenez, bertan izena emateko aukera zabalik dago barikura arte. Horretarako 16:30etik 20:30era bitartean Etxelilako 94-613 40 08 telefono zenbakira deitu edo etxelila@ondarroa.eus helbide elektronikora idatzi behar da.
