Autobus zerbitzu bereziak egongo dira Oletako jaietara heltzeko
Lea-Artibaiko herrietatik Oletako jaietara lasai eta segurtasun guztiagaz ondo pasatzera joateko aukera eskainiko du, beste behin ere, Amankomunazgoak Lea-Artibaiko hamabi udalekin batera eskaintzen duen Gababusak. Zapatuan [ekainak 9] egongo da joan-etorria egiteko zerbitzua. Joateko autobusak 21:35ean aterako dira autobus geltokietatik. Bueltako autobusak, berriz, 02:15ean, 04:15ean eta 05:45ean irtengo dira Oletatik. Tikeak salgai daude ohiko tokietan udaletxe eta turismo bulegoetan. Joan-etorriaren prezioa 3 eurokoa izango da. Horrez gain, ohitura zaharrei eutsiz, Jai Batzordearen ekimenez, zuzeneko joan-etorriko autobus zerbitzu berezia egongo da Lekeitioko Eskolapetik Oletara zapatuan eta astelehenean [ekainak 9-11]. Zapatuan [ekainak 9] 22:00etatik 06:00etara egongo dira autobusak etenik barik. Astelehen gauean [ekainak 11], berriz, 22:30etik 00:00etara Eskolapetik Oletara joateko aukera egongo da, eta buelta egiteko, ostera, 02:30etik 04:00etarako tartea egongo da.
