120 bat gaztetxo batu dira Ondarroako judo topaketan
Ondarroako Artibai Judo Taldeak antolatuta, benjaminaurreko, benjamin eta alebin mailako topaketak egin ziren zapatuan [ekainak 9], Ondarroako Zaldupe kiroldegian. Denetara, 120 judoka batu ziren tatami gainean.
Ondarroako judoka gaztetxoekin batera Legazpiko, Zumarragako, Hondarribiako, Irungo, Arrasateko, Zumaiako eta Azpeitiako taldeetakoek parte hartu zuten. Klubetako judokak launako taldetan batu zituzten, eta beste lauko taldeen aurkako borrokak egin zituzten. Erakustaldia amaitu ostean, dominak jaso zituzten parte hartzaile guztiek.
Domekan [ekainak 10], berriz, Usurbilgo txapelketan parte hartu zuten Artibai Judo Taldeko benjamin eta alebin mailako hainbat judokek.
Ondarroako judo topaketak. Argazkia: Artibai judo taldea
