Ondarroako Zubi Zahar ikastolak 50. urteurreneko ospakizunetan parte hartu dutenen laguntza eskertu du
Zubi Zahar herri ikastola osatzen duten guztiek, eta batez ere, 50. urteurreneko ekintza egiteko eratu zen batzordeak, ospakizunetako ekintzak antolatzen ibili direnak eta parte hartu dutenen laguntza eskertu nahi izan dute. “Gure eskerrik beroenak eman nahi dizkizuegu. Arlo honetan, aipamen berezia egin nahi digo HITZA egunkariari urte osoan egin ditugun ekintzen berri ematearren. Zuen laguntzarik gabe ezinezkoa izango zen igaro dugun urte ahaztezin hau gauzatzea”.
Ikastolaren arduradunek nabarmendu dutenez, 2017/2018 ikasturtea oso berezia izan da ikastolarentzat, bere ibilbidean 50 urte bete baititu. Eta urteurren berezia goi-goitik ospatze aldera, hainbat ekintza antolatu dituzte hilero. Jose Mari Naberan herri krosa, erraldoien kalejira, kantu bazkaria, magoaren ikuskizuna, antzerkia Bide Onera zineman, kirol erronka eta ginkana, gaztetxean kontzertua herriko musika taldeekin eta maiatzean ikastolan egin zen ekitaldi gogoangarria, besteak beste.
Urteurreneko ospakizunak, azkenik, ekainaren 16an egin zen Ikastola Egunagaz amaitu zituzten. Danborrada, abesbatza, joaldunak, ekitaldia eta Itsas Aurreko bazkariagaz eta jaiagaz borobildu zen jaia.
HONEKIN LOTUTA: Ikastola Eguneko ARGAZKI GALERIA + BIDEOA
Erlazionatutako edukiaDanbor hots eta ahots goxoz bete ditu Ondarroako kaleak Ikastola Egunak
