Maumeko Baraiazarrak irabazi du Ispasterko 33. Zaldi mando proben sariketa

2018/10/15

Ispasterko 33. Zaldi mando proben sariketako txapela, manta eta 750 euroko saria Maumeko Baraiazarrak lortu ditu aurten. Maumetarraren animaliak 75 untza, 3/4 untza eta 1,44 metroko marka egin du Ispasterko harriagaz. Bigarren eta hirugarren sariak, berriz, Aulestiko Juan Uriarte Koba-rentzat izan dira. Lea-Artibai eskualdeko lehen hiru onenek ere sari berezia jaso dute. Kobak lehen bi sariak eskuratu ditu eta Etxebarriko Adorrixa anaiak hirugarrena.

Ispasterko zaldi mando probak, irabazlea. Argazkia: Ispasterko Udala

Ispasterko zaldi mando proben irabazlea, mantagaz. Argazkia: Ispasterko Udala

Urriaren 11n, 12an eta 14an jokatu dituzte probak, eta bertan bederatzi aberek parte hartu dute. Lehenengo egunean Aulestiko Juan Uriarteren animaliak jarri zuen marka: 69 untza, 3/4 eta 1,90 metro. Bigarren egunean, ostera, Mañuko Erauzkinen animaliak lortutakoa izan zen onena: 64 untza. Egunik eta lehiatuena, aldiz, hirugarrena izan zen. Baraizarraren animaliak probalekuan bildutako zaleen arreta bereganatu zuen, eta maumetarraren animaliak Juan Uriartek lehen jardunaldian ezarritako marka hautsi zuen. SAILKAPENA:

Baraiazarra (Maume): 75 untza, 3/4 eta 1,44 metro. 750 euro, manta eta txapela.
Juan Uriarte (Aulesti): 69 untza, 3/4 eta 1,90 metro. 650 euro.
Koba (Aulesti): 69 untza. 575 euro.
Adorrixa anaiak (Etxebarria): 66 untza 1/4 eta 4,14 metro. 525 euro.
Erauzkin (Mañu): 64 untza. 475 euro.
Kocco denda (Bilbo): 61 untza. 400 euro.
Txibilter (Azkoitia): 59 untza. 300 euro.
Rasse denda (Durango): 55 untza. 300 euro.
Patxua taberna (Markina-Xemein): 54 untza, 1/4 eta 5,35 metro. 300 euro.

Lea-Artibaiko sailkapena:

Juan Uriate (Aulesti): 69 untza, 3/4 eta 1,90 metro. (120 euro).
Koba (Aulesti): 69 untza. (100 euro).
Adorrixa anaiak (Etxebarria): 66 untza, 1/4 eta 4,14 metro. (90 euro).