Ekonomia Zirkularraz ariko dira Markina-Xemeingo Berrikuntza gunean
Lea-Artibain egin diren ekonomia zirkularreko ekimenak aurkeztuko dituzte Azaro Fundazioak antolatutako jardunaldian. Enpresa batzuen esperientziak ezagutzeko aukera egongo daAzaro Fundazioak ekonomia zirkularrari buruzko jardunaldia antolatu du urriar...
Lea-Artibain egin diren ekonomia zirkularreko ekimenak aurkeztuko dituzte Azaro Fundazioak antolatutako jardunaldian. Enpresa batzuen esperientziak ezagutzeko aukera egongo da
Azaro Fundazioak ekonomia zirkularrari buruzko jardunaldia antolatu du urriaren 24an, Innobasque eta Bizkaiko Foru Aldundiagaz lankidetzan. Bizkaia, Gipuzkoa eta Arabarako eratu duten Espezializazio Adimentsuko Estrategia (RIS3) ezagutzera eman eta kasu praktikoen bidez ekonomia zirkularraren kontzeptua enpresa mundura gerturatzea ditu helburu Markina-Xemeingo Berrikuntza Gunean egingo den ekimenak.09:00etan hasiko da jardunaldia, Lea-Artibai eskualdean ekonomia zirkularraren inguruan egin diren ekimenen aurkezpenagaz. Antolatzaileek aurreratu dutenez, Ainhoa Arrizubieta Azaro Fundazioko zuzendariak Lea-Artibain ekonomia zirkularrari buruz edukitako esperientziak laburtuko ditu, «batez ere, aldundiagaz elkarlanean eskualdeko hainbat enpresei egin zaizkien ekonomia zirkularreko analisiak azalduko ditu». Horren ostean, Ihobeko Ignacio Quinta- nak RIS3ko ekodiseinu eta ekoberrikuntza lerroen berri emango du.
Esperientzia berriak
Enpresek hartuko dute txanda jarraian, eta negozio eredu berritzaile horren ezarpenean izandako esperientziak azalduko dituzte. Hitz egiten lehenengoa Ekolber-Ingenieria del Caucho y Plastico de Colageno SL enpresako Fernando Alonso izango da. «Kautxu eta plastiko biodegradagarriekin lan egiten duen eta orain dela gutxi biopolimeroak lantzen hasi den enpresa hau, Espainia mailako enpresei zuzendutako Ingurumen Sari Europarrerako izendatuta egon da Garapen Jasangarrirako Prozesuak kategorian».
Ondoren, Benjamin Ballesteros Rebattery enpresako sortzaileak mota guztietako baterien konponketa eta salmentan lan egitetik ekonomia zirkularreko kasu arrakastatsu bihurtzera egindako bidea partekatuko du. Hitz egiten azkena Laura Alba izango da, Plastic Repair Systemeko CEO eta General Managerra. «Plastikozko objektuen konponketa eta mantenuan liderra den ekonomia zirkularreko enpresa da hori ere, eta enpresei zuzendutako Ingurumen Sari Europarrerako izendatu zuten Garapen Jasangarrirako Produktu eta Zerbitzuak alorrean».
Ekonomia zirkularreko estrategiaren baitan egingo diren hurrengo ekimenen berri emanez amaituko dute jardunaldia, eta parte hartzaileek iritziak trukatu eta elkar ezagutzeko, kafe-networking gune bat ere edukiko dutela jakitera eman dute antolatzaileek.
Jardunaldiak leku mugatuak ditu, eta parte hartzeko interesa daukatenek Azaro Fundazioan eman dezakete izena.
