Urte amaieran ezagutaraziko dute Ondarroako lonjako lanak nork egingo dituen
Eusko Jaurlaritzaren Ekonomia Garapen eta Azpiegitura Sailak adierazi duenez, urte amaiera orduko emango dute jakitera Ondarroako portuko arrain lonja berriaren eraikuntza lanak nork egingo dituen.
Lonja berriaren lanak gauzatzea atzeratu zuten administrazio arloko trabak modu egokian gainditu ondoren, Jaurlaritzak abuztu hasieran iragarri zuen lehiaketa, eta hamar enpresen proposamenak jaso dituzte: Ferrovial Agroman, Acciona Construccion, Valeriano Urrutikoetxea, UTE Urbelan-Balzola-Eldu, UTE Lonja Ondarroa, UTE Comsa-Comsa Industrial, UTE Construcciones Murias y Construcciones Amenabar, OlatecOndarroa, UTE Ondarroa eta UTE Sacyr-Cycasa-Marizcurrena-Zubieder.
Lehiaketara aurkeztutako proposamen ekonomikoak aurreko astean eman zituzten jakitera, baina Ekonomia Garapen eta Azpiegitura Sailetik nabarmendu dutenez, mota horietako aukeraketa “prozesuek nahikoa luze” jotzen dute. “Soluzio ekonomikoagaz gain, proposamenak baloratu eta baldintza tekniko guztiak eta gutxiengo batzuk betetzen dituen aztertu behar izaten da. Aldi berean, erreklamazio epe batzuk ere bete behar izaten dira. Egia esan, hainbat fase bete behar izaten dir. Gure kalkuluen arabera, Gabon bueltan jakingo dugu lanak behin-betiko nori esleituko dizkioten”.
Lonja berria eraikitzeko proiektuari dagokionez, 22 milioi euroko aurrekontua eta 48 hilabeteko gauzatze epea edukiko ditu. Lanak hasi ez badira ere, Ekonomia Garapen eta Azpiegitura Sailaren aurrekontutik, bestalde, diru partidak bideratzen hasiak daude, lanak finantzatu ahal izateko. 2018ko aurrekontutik 500.000 euro bideratu dituzte eta 2019ko aurrekontutik 4,5 milioi euro gorde dituzte. 2020 eta 2021ean beste horrenbeste bideratzea aurreikusten dute, eta 2022an, azkenik, 4,2 milioi euro.
Hirugarren fasean, berriz, lonjaren hegoaldeko eraikuntza lanak amaituko dituzte, baina ez dituzte martxan ipiniko. Iparraldeko hegalak ordura arte bezala jarraituko du funtzionatzen, pisuagaz. Laugarren fasean, azkenik, lonjaren erdialdea osatuko dute. Baxurako ontzientzat pisu berria instalatuko dute, besteak beste. Gune horretako eraikuntza lanak amaitu ostean, instalazioen loturak ezarriko dira iparraldeko hegalarekin, eta lonja osoa erabat funtzionatzen hasi ahal izango da.
Lau solairu. Jakitera eman dutenez, eraikin berriak lau solairu izango ditu. Beheko solairuak L handi baten itxura izango du, eta 7.939 metro kuadroko lur sail erabilgarriaren parte handi bat hartzen du. Lonjarako sarbide orokorrak eta benta bertan egongo dira, baita lonjaren erabilera gehienak ere.
Lehen solairuan, berriz, erabilera publikoko eta arrantza jarduerarekin lotutako lan guneak egongo dira, bereizitako hiru gunetan banatuta. Eraikinaren goiko solairuek administrazio arloko erabilera guztiak jasoko dituzte.
Ondarroako lonja berriaren aurkezpena. Argazkia: Irekia
Proiektua aurrera eramateko baldintza garrantzitsuenetaraikoa lonja berriaren lanak egiten ari diren bitartean arrantza eta portu jarduerari eutsi ahal izatea daAspaldiko eskaera. Lonja berriak, gainera, udalerriko arrantza sektoreak duela ia 50 urtetik duen eskaria beteko luke. “Aintzinako konpromisoa bete eta arrantza sektorearen beharrei erantzunez, lonja berriak Ondarroako portuko jarduera dinamizatu eta birgaituko duela” nabarmendu du Arantxa Tapia Ekonomiaren Garapeneko eta Azpiegituretako Sailburuak. Proiektua aurrera eramateko baldintza garrantzitsuenetarikoa lonja berriaren lanak egiten ari diren bitartean arrantza eta portu jarduerari eutsi ahal izatea da. Hori dela eta, lanak lau fasetan gauzatuko dituzte. Lehen fasean iparraldeko kaian dagoen lonjaren eraikuntza lanak egingo dituzte. Lanak kaiaren muturretik hasiko dituzte, erdialderuntz jarraituz. Fase horretan egungo Kofradiaren eta Itsas Kapitaintzaren eraikinak eta azken horren barruan dagoen Transformazio Zentroa kontserbatuko dira. Egungo pisuak martxan jarraituko du, eta egungo aparkalekuaren gune bat arraina deskargatzeko eta arrantza lanak egiteko egokituko dira. Bigarren fasean, aldiz, iparraldeko hegala eta administrazio eraikinaren parte bat amaituko dituzte. “Kofradiaren bulegoak lekuz aldatuko dira eta ondoko eraikina eraitsiko da, Kapitaintzarenak oraindik zutik iraungo duen arren”. Transformazio Zentro berria martxan hasiko da eta, ondorioz, eraikitako lonjak erabateko funtzionaltasuna izango du, arraina deskargatzeko gune leku horretara eramanez. “Egungo pisuak funtzionatzen jarraituko du, eta lonjarako behin-behineko sarrera egokituko da haren ondoan”.
Ondarroako Kalare Deuna kofradia aurrea arrain kaxez betea
