Gipuzkoako Txapelketako zesta-puntako finalak jokatuko dituzte Mutrikuko puntistek
Ezker Hormako Kluben Arteko Gipuzkoako Txapelketaren finala jokatuko dute Danok Bat Pelotazale Elkarteko kadete eta gazte mailako puntistek domekan [abenduak 16], Zumaian. Pilota jaialdia 16:30ean hasiko da Aitzuri frontoian.
Kadete mailako norgehiagoka jokatuko da lehendabizi. Zumaiako Aizpuruaren eta Cabanillasen aurka nor baino nor indartsuago ariko dira Danok Bateko Eñaut Urreisti eta Alain Basterretxea. Jarraian, gazte mailako finala jokatuko dute Danok Bateko Zuhaitz Arrilagak eta Aratz Mendizabal Goixerri-k Donostia Jai Alaiko Hernandez eta Alberron aurka.
Udazken Sariko finalak ere bai. Danok Bateko alebin eta txiki mailako bi jokalarik, berriz, Zesta-Puntako Udazken Sariko finalak jokatuko dituzte barikuan [abenduak 14], Tolosan. Jaialdia 19:45ean hasiko da Beotibar pilotalekuan.
Alebin mailan Beotibar taldeko Iturberen eta Baldaren aurka jokatuko dute Danok Bateko Ekhi Letek eta Zumaiako Garikanok osatutako bikoteak. Txiki mailan, berriz, Zumaiako Agirreren eta Beotibarko Itoizen aurka neurtuko dituzte indarrak Beotibarko Altunak eta Danok Batek Ansolak osatuko bikoteak.
